εïз.•روح الإتحآد•​.εïз.•

أسطورة زآيـــــد والإمآرآت

أمس كآن 2-12-2011
بدات بـ 1971

ومازالت المسيرة مستمرة ..




40
سنه من الإنجآز ..
40
سنة من التحدي ..
40
سنه عآشتهآ بلآدي وهي تنادي

" عيشي بلادي عآش أتحآد إمارآتنآ "...
فليعيش إتحآدنآ دآئمآ وأبدآإ ...






بآبآ زآآآيد

كم إشتقت أليك أمس ..
كل تفكيري كآن

" لو أنت موجود في هذه اللحظه .. كيف بيكون شعورنآ " ..
عبآرآتك تتردد على مسآمعي ..
من شفت الفيديو نزلت دمعه من عيني ..
أشتقت لك يآ روح الأتحآد



ولكن ..!!
لم ينطفيء نور زآيد .. فـ هناك " خير خلف لخير سلف"
خليفة

ونعم الخلف




لم نشعر بفقدانك يآ زآيد .. فـ " خليفة أعطآنآ الأمآن "
أعطآنآ مآ أردت ...
ومآ زآل العطآء مستمرآ...



.. ويطول الحديث فيك يآ بلآدي .. ولن ينتهي أبدآ



أعجز عن التعبير .. وهذي أول مره أعجز فيهآ عن التعبير ..!!
لان التعبير يعجز عن الوصف
ومآفي كلمآت ستفي حق هذه النعمة إلي نحن نعيشهآ



ولكن الحمد ثم الحمد هو السبيل لذلك

أحمد الله على أني من هذه الأرض الطيبه
و أشكر الله على نعمة زآيد .. رجل الإتحآد
وعلى قآئدنآ الغآلي خليفه

والله يبعد عنآ كل حآسد وحآقد
ويبعد عنها شرور الزمآن

هذي كآنت بعض الصور من الحفل الرسمي لعرس دولتي الحبيبه

العرض العسكري

مقتطفآت من العرض

إنجآزآت الإمآرآت

ونفس مآيقولون

" ختآمه مسك "

ختم الحفل بو خآلد

بأحلى إبتسآمة .. خلت الكل فرحآن

في وآآيد صور .. لكن لأن الوقت ضيق حطيت هذي الصور

أو تقدرون تشوفون صور الحفل في التلفزيون =)




كنت هنآ أصف شعوري

العودة إلى المدآرس

عام جديد ،،
وسنة جديده ،،
وغدا بيكون أول يوم دراسي ،،
ومادري ليش هاليوم يكون اكثر يوم متعب !!
بس في نفس الوقت يكون حلو ،،
والأحلى فيه الشعور الي يخلي الواحد مايعرف عمره فرحان ولا متوتر ولا زعلان لانه بيودع الاجازه ،،
وفي نفس الوقت الواحد يحس بطنه يعوره ،،مادري من الخوف ولا شو ،،!!!
انا صراحه احس لين احين بطني يعورني اول يوم
يعني مب يعورني يعورني لا احس يعورني من الفرحه هههههههه


وبمنآسبة هالموضوع تذكرت
~ ذكريآت أول يوم درآسي في حيآتي ~

أذكر أول يوم دراسي في حياتي كان عندما كان عمري خمس سنوات ،،
كنت في رياض الأطفال ،، انا وهاكونا
كان يوم حلو ،، فرحتي بالشنطة والجوتي فرحه لاتوصف ،،
كنت أمشي بلبس الروضه كاني عارضه ازياء
ومن الفرحه نشيت من الرقاد (اول وحده)
ماكنت اعرف كيف طبيعه المكان او الاشخاص !
والي مخليني وااااثقه من عمري وجود الوالد معانا
بس اول ماوصلنا الروضه اندهشت

مكان جديد ،، اشخاص جدد وكل شي جديد

ولكم ان تعرفوا شعور الأطفآل كيف يكون أول مايدخلون مكآن يديد
بس الي الآن كل شي تمام
لكن !!
بدات المعاناه يوم سار عنا ابوي ،، انصدمت نفسيا خخخخ
انفجرت بكاءا وتميت اصيح ،،

ياحليلي والله كنت أكسر الخاطر
رحمتني هاكونا ،، وهي الاقوى وإلي ماسكه عمرها
وقالت لي "دخلي الفلوس الي عندج فالجوتي وبتضحكين " << شو يخصه مآدري ..!!

بس انا صدقت ودخلت الفلوس فالجوتي وتميت اضحك ॥ والله كنت اضحك من خاااااااااطري
يمكن اكثر مره ضحكت من خاطري في تلك السنه

ههههه ياحليلي والله ،، كسرت خاطر عمري
بس كانت سنه حلوه ولها ذكريات جميله وبريئة


ممم أحين كبرنآ خلاااص !!



في النهآيه ،،
اتمنى لكم عآم درآسي ممتع وشيق ومليء بالمفآجآت
وأهم شي تخلون هالعام في سبيل الله

وكل عام وأنتم بخير
وشدوا حيلكم

~ شكْلم .. جني الطفولة المزعوم ~

شكلم ..!!
جني من تأليفنآ ونحن صغآر

واللعبة المفضله والمخيفة إلي كنآ نحب نلعبهآ فليل
وسآلفة هذآ الجني سآلفه !!
طبعاً حق هاللعبة شروط وقواعد وهدآيآ ومفآجآت أيضاً


ّالشروط والقوآعد :

~ ظلآم دآمس في المكآن إلي نلعب فيه ..
~ نلبس شيله أو حجآب ونطلع أذونآ << ليش مآدري ..؟!! لاحد يسألني
~ اللعبة لأربع أشخآص غآلبآ << أصلآ محد كآن غيرنآ يلعبهآ ( أنآ وهكونآ وبنآت عمي ثنتين)
~ فوطة بيضآء أو أي قطعة بيضآ << مآدري شو الحكمة منهآ
ويفضل إنهآ تكون فوطة "وغالبًا مآ كآنت فوطة "
~ الجلوس متربعين وفي خط أفقي وبجآنب بعض ولازم نمسك إيدين بعض
وفي روآية أخرى نكون منسدحين ونطآلع السقف
~ ترديد كلمة شكلم بشكل مستمر " مآكآن في عدد معين "


ّ النتآئج :

يظهر الجني المزعوم شكلم

إلي محد يعرف شكله الحقيقي لآن كل حد كآن يتخيلة بطريقة معينة
لكن الصفة المشتركة إنه كآن يلبس القبعة السودا وفي ايده عصآ



ّ الهدآيآ والمفآجآت:

تختلف الروآيآت ففي نآس كآنت تقول إن شكلم كآن يعطيهم حلآوة وفلوس
وبنت عمي تقول "إنه يعطيها مينو أو شبس"
ولكن الغآلب كآن يقرص الموجودين..!!

والمضحك فالسآلفة إنه كنا نقرص بعض ونقول " شكلم " قرصنا
أو نفر المينو-الشبس ونقول أنه "شكلم " فره علينآ

ونصدق الكذبه بشكل مب طبيعي << لين أحين أحس أنه شكلم إلي كآن يقرصني ( شكلهآ إلي كآنت عدآلي تقرصني من الخآطر هع )

ههههه والله يوم أتذكر أشكآلنآ أضحك
بس حليلنا كنآ نفكر ونألف قصص لتضييع الوقت


وهذي كآنت إحدى قصص طفولتنآ العجيبة

~

~ مدونتي أخيراً ~

حلم يرآودني منذ الصف الثآني الثآنوي

وأخيراً تحقق ..!!

معجزة ..؟

تستمر قصه المدونه على مدار ست سنوات من الكسل واللعب ومحاولات الشروع في انشآء مدونة تحطم الكل

وتم التنفيذ بالفعل ..

ولكن ..!!

من قآل أنني سأتذكر ماهو اسم المدونه أو رقمها السري وسط زحمة الدرآسة << البنت كآنت دحيحه

ومرت الأيآم وطآلت المدة

 و كل ماطآلت مدة الشي صآر غير قآبل للتذوق وطعمة يتغير << شو دخل الأكل في التدوين

( لآ أخفي عليكم الجوع يعتريني ولآ أستطيع التفكير وكل مايشغل بآلي النوم )

لذآسأكتفي بهذا القدر من الكلآم رغم عشقي للكلآم

كما أن مفردآتي اللغويه أصبحت قليلة ..!!

بإختصآر هنيئا لكم بي في عآلم التدوين

وهنيئاً لي بالمدونه الجديده

ولكم أن تتذكروا أن في  مثل هذا اليوم المميز

( الجمعة 1-7-2011 )

 تم إنشآء مدونتي العزيزة

ومعزومين على كنآفة وعصير موز

وبدون سؤآل " شو يخص الكنآفة فالموز..؟ " لأني مآعرف شو الإجآبة

إنتظروا موآضيعي القآدمة

^^