السلآم عليكم ورحمة الله وبركآتة
صبآحكم / مسآءكم تفآؤل
و فرح ،، وكل شي حلو ^^
اليوم الجو محتآر .. مب عآرف حق عمره ،، يكون حآر ولا
بآرد
أنآ صرآحة أحس الجو حررررر ><
لكن أشوف الأشجآر تتحرك ،، يعني في مهب
مآعرف هل المشكله مني ولا الجو فعلا حآر ..!!!
>> بدآ الصيف <<
و بتبدآ معآه المكيفآت و الليمون و المنجا الحامض والملح
( خآطري فيه من متى هههه )
حآليآ أنآ أتريآ في محطة البآص ولآبسه قبعه حمرآ
و عندي مظله لأن الجو ممطر
لحظه لحظه كأأني تهورت شويه و حسبت عمري " أميره المروج بقبعة حمرآء "
هع هع
نعيد المشهد من جديد
أنآ اتريا البآص في رسبشن الجآمعه الممل
و الجآمعة فآضيه ،، لأن عندهم أجآزه إسبوعين ( ونحن يآ
حليلنآ ندآآآآآوم )
مممم دقآيق .. البآص وصل
بركب و بكمل كتآبه ^^
رجعنآآ لكم من جديد
كالعآده منآقشآت و ضرآبه و نرفزه أعصآب بين البنآت وسوآق
البآص " الجديد"
و انآ أكتب وعآيشه في عآلم ثآني خخخخ
احلى شي أني مآ أحرق أعصآبي دآم في حد متكفل بهذا
الموضوع هههههه
تأخرت هالمره عن تدوينتي الأسبوعيه و ذلك بسبب أجآزه أخر الإسبوع الحآفلة بالأحدآث
الحلوه
تآريخ 17 من هالشهر زآد عندنآ مولود جديد
" ذيآب "
هذآ ذيآآآبنآآآآ
فديته يآرب والله يخليه لأهله ويتربى في عز أخوي =)
مآشآء الله عليه أحسه بيطلع ممثل بآرع
من أحين يسوي حركآت ويمثل ههههه
و أحلى شي يوم يفتح عيونه ويغمضهن بسرعه
طبعآ انا مستويه نفس اليهآل و خآشه رآسي عند ويهه
و أرآقب متى بيفتح عيونه ههههههه
اتوقع هذا السبب الي يخليه يسكر عيونه بسرعه ،، مخوفتنه
هههههه
أحس إني أبآ أشله عندي أبوظبي
الموضوع الي مآزمني و مآدري ليش أحسه وآآيد مهم
و من كثر مآفكرت فيه حلمت خخخ
أحين أسم الولد ذيآب ،،
كيف بندلعه ...!!!
سؤال وااايد عور مخي ..
يعني مثلا نسميه ذيبان ،، ولا ذيوب ،، ولا الذياب ع قولت
أخوه لول
صعب ندلع اسمه
شكلي بطلعله إسم مآيخصه في إسمه
<< أصلآ مادري ليش هالموضوع مأرقني واايد هههههههه
الحدث الثآني ( و كان حلووو بعد ) ملكه بنت عمتي " موزه "
وااااو
كآآآن حدث حلووو و استمتعنآآآ وآآآيد
و أهم شي الاستهبآل والمؤثرات الصوتيه و الجو الي كنا
مسوينه بروحنا هههههه
عآيشين جونا وبعيدا عن التصنع والكلافه في حفلات الملكه
والزواج والخرابيط كلها
بس مآشآء الله مآ شاء الله عليهآ قمر ،،
الله يوفقهآ ويهنيهآ و يسعدهآآآآ يآآآآرب و يتمم عليهم
بخير
مستغربين شو يخص هالأشيآء فالتأخير
بس لان الجو كان جو عآئلي وعزايم و لمه مآفضيت اكتب
زين مني لحقت أكتب التقرير الاسبوعي ^^
فأستميحكم عذرا
نرجع لذكريات التدريب
مممم شو الأحدآث الي صآرت هالإسبوع ..؟
بالمختصر المفيد ..
سويت إعآدة ترتيب لخطة التدريب ،،, وكلمت مديري "
علي " إني أخذ لفه ع الأمآكن الثآنيه
بحيث أكتسب خبره أكثر و اجرب مجالات ثانيه
طبعا مستر " علي" كآن جدا محتآر معآي ههههههه
لاني كنت ابا اجرب كل شي ^^
بس فالنهآيه وصلنا لاتفاق اني بس أشتغل في إستدامه 4
أسآبيع ( و المشروع جدا محمس )
و اسبوعين مع تيم العين ^^
و اسبوع سيتي سكيب و هالشي كآآآآن قمة الحمآآآآس
( و حق الي مايعرفه يقدر يزور هذا الموقع )
و إسبوع اختياري " ممم بس انا اخترت اشتغل مع تيم
ابوظبي ،، وهذا هو التحدي الي انتظره بشوق .. بخبركم السالفه عقب "
و طبعا اسبوعين أكمل البروجكت الي اشتغل عليه
Sikka policy الي مب طآآآيع يخلص
ع طآري هالبروجكت
مممم الصراحه الشغل فيه حلو و ممتع
إشتغلت على الرسومات
والسكتش الي توضح هذا القانون ،، طبعا اعيد وازيد فيهن لين ما نوصل للأحسن
و كنت شغاله ع السكتش اب
" يبدا يستوي الموضوع متعب يوم يطول الموضوع "
بس حبيت النتآئج ^^
القروب الي شغاله فيه حلو ،،
طبعا انا و منى و اربع اشخاص من كل تيم
العين ، الغربيه ، وسط المدينه و جزر ابوظبي ..
و سويت أجتمآع بروحي معآهم " طبعا مب كلهم "
كان اول اجتماع اسويه بروحي ،،
شعور راااائع و ممتع
ممم و هذا خلاني
اكتشف او الاحظ انه في ناس استغلاليه في الموضوع
و الشي الي نرفزني انه في شخصيتين منهم تحاول انها
تستغلني لاني متدربه ...!!!!
هههههه
اول مره في حياتي حد يطلب من عندي مساعده" طبعا
مساعده ظاهريا ،، والباطن هو الاستغلال " ه و اقوله انا مشغوله ماقدر خخخخخ
أحسن يستاهلون ،،
اوكي صح انا متدربه ولكن انا بعد عندي شغل و قاعده اسوي
شي ،، ومب مجبوره اني اخلص شغل غيري لانه يسولف ولا مب مقتنع ولا اي سبب كان
الا اذا كنت مب مضغوطه
ممم لكن شكلي فالنهآيه برحمهم و بسوي الشغل عنهم "
أعرف عمري ماقدر "
فديتني طيبه ههههه
مممم
اليوم البآص هآدي عل غير العاده
وغريبه البنآت مآ يسولفن نفس كل مره..!!
حتى انا ياني رقاد من الهدوء خخخخخ
يوم الخميس رديت البيت من وقت ..
ولاني كنت اتريا الدريول مآكان لي خاطر اسوي شي
قعدت ارتب مكتبي شوي
صح مافيه شي لكن حاولت اني اسويله شي خخخخ
هآي زآويم من مكتبي الصغير .. حآولت أحط ألوان لوليوم الثلاثاء اتوقع كانوا مسوين حفله عيد ميلاد =)
المهم و في وحده يابت حق منى ورده حلو شكلها ورقيقه
....الخ
اخر شي الورده حطيناها عند مكتبي
واستويت انا مسؤوله اسقيها ماي =))))
الله حلووو حبيت الشي
الصراحه اعتبرت هالشي صدقه في سبيل الله
احم " ساعات نحتاج نحس باحساس انه نكون سبب في بقاء
شي حي و جميل ليسعد الغير او يريح الاخرين"
الحمد لله رب العالمين
و من ضمن الاحداث و لان اغلب الحظور شباب ماسرت الحفله
" بالرغم انه كان في خاطري "
يابلي مدووه ( office boy ) كيكه من كيك الحفله ،، بس انا
و مآيآب للي ماحضروا الحفله
احم احم " محصله رعايه خاصه "
=)
في نآس بتكرهني أحين خخخخ
هآي كيكه مدووه
أنآ مآحب الفانيليا بس حبيت الكيكه هع هع
احس هالبوست وااايد طويل
يمكن لاني قاعده فالباص بروحي كالعاده
و ماعندي شي اسويه استرسلت في الحديث خخخخ
عاد انا هوايتي الكلام لول
ماعلينا و مابطول عليكم
نشوفكم بعد 5 ايام ان شاء الله ^^
ليست هناك تعليقات:
إرسال تعليق